კონფიდენციალურობის პოლიტიკა

1. ვინ ამუშავებს მონაცემებს

მონაცემთა დამმუშავებელია Litero-ს მომსახურების გამწევი (დეტალები — გვერდის ბოლოს, „ვინ ვართ ჩვენ“). მონაცემებს ვამუშავებთ საქართველოს კანონის „პერსონალური მონაცემების დაცვის შესახებ“ შესაბამისად.

2. რა მონაცემებს ვაგროვებთ და რატომ

უნივერსიტეტების შერჩევის პროფილი (საგნები, ქულები, ინტერესები) ინახება მხოლოდ თქვენს ბრაუზერში და ჩვენს სერვერებზე არ იგზავნება.

3. სამართლებრივი საფუძველი

• ხელშეკრულების შესრულება — ანგარიში, სწავლის მონაცემები, გადახდა, პარტნიორობა;
• კანონით დაკისრებული ვალდებულება — გადახდებისა და ანაზღაურებების ბუღალტრული და საგადასახადო აღრიცხვა;
• კანონიერი ინტერესი — უსაფრთხოება, თაღლითობის პრევენცია (მაგ. საკუთარი კოდით ყიდვის აღმოჩენა), ანონიმური სტატისტიკა;
• თანხმობა — სადაც კანონი ამას მოითხოვს; თანხმობის გამოხმობა ნებისმიერ დროს შეგიძლიათ.

4. ვის ვუზიარებთ

მონაცემებს არ ვყიდით. ვუზიარებთ მხოლოდ მომწოდებლებს, რომლებიც ჩვენი დავალებით მუშაობენ:

• Supabase — მონაცემთა ბაზა, ავტორიზაცია, ფაილები (სერვერები ევროკავშირში, ირლანდია);
• Vercel — საიტის ჰოსტინგი (ძირითადად ევროკავშირში);
• Google — ესეების შეფასება და ხმის ტექსტად გარდაქმნა (Gemini API), Google-ით შესვლა;
• Resend — სერვისული წერილების გაგზავნა (ელფოსტა, სახელი, წერილის შინაარსი);
• სს „საქართველოს ბანკი“ — ბარათით გადახდების დამუშავება და თანხის დაბრუნება (ბანკის საკუთარი კონფიდენციალურობის პოლიტიკის შესაბამისად).

ზოგიერთი მომწოდებელი მონაცემებს საქართველოს ფარგლებს გარეთ ამუშავებს (ევროკავშირი, აშშ). ასეთ შემთხვევაში ვიყენებთ მომწოდებლებს, რომლებსაც აქვთ მონაცემთა დაცვის შესაბამისი ხელშეკრულებები და გარანტიები. მონაცემები შეიძლება გადაეცეს სახელმწიფო ორგანოს მხოლოდ კანონით გათვალისწინებულ შემთხვევაში.

5. რამდენ ხანს ვინახავთ

• ანგარიშისა და სწავლის მონაცემები — სანამ ანგარიში აქტიურია. ანგარიშის წაშლისას ისინი მაშინვე იშლება (სარეზერვო ასლებიდან — რამდენიმე დღეში).
• გადახდების, ქვითრების, საკომისიოებისა და ანაზღაურებების ჩანაწერები — იმ ვადით, რასაც საქართველოს საგადასახადო და ბუღალტრული კანონმდებლობა მოითხოვს. ანგარიშის წაშლისას ეს ჩანაწერები რჩება, მაგრამ ანგარიშს აღარ უკავშირდება.
• ტექნიკური და ანონიმური სტატისტიკა — არაუმეტეს 24 თვისა.

6. უსაფრთხოება

კავშირი დაშიფრულია (HTTPS). ბაზაში თითოეულ მომხმარებელს და პარტნიორს წვდომა აქვს მხოლოდ საკუთარ ჩანაწერებზე. გადახდის ქვითრებს ხედავს მხოლოდ ადმინისტრაცია გადამოწმებისას; პარტნიორის სრულ IBAN-ს — მხოლოდ გადარიცხვის მომზადებისას და ყოველი ნახვა აღირიცხება. არცერთი სისტემა არ არის აბსოლუტურად დაცული, მაგრამ ვიცავთ თანამედროვე გონივრულ სტანდარტებს. მონაცემთა დარღვევის შემთხვევაში კანონის შესაბამისად გაცნობებთ თქვენც და ზედამხედველ ორგანოსაც.

7. არასრულწლოვნები

Litero აბიტურიენტებისთვისაა, ამიტომ ჩვენს მომხმარებელთა ნაწილი არასრულწლოვანია. 16 წლამდე პირის მონაცემებს ვამუშავებთ მშობლის ან კანონიერი წარმომადგენლის თანხმობით. თუ მშობელი ხართ და ფიქრობთ, რომ თქვენმა შვილმა თანხმობის გარეშე შექმნა ანგარიში, მოგვწერეთ — ანგარიშს წავშლით.

8. თქვენი უფლებები

• მიიღოთ ინფორმაცია და ასლი იმ მონაცემებისა, რომლებსაც თქვენ შესახებ ვამუშავებთ;
• მოითხოვოთ არაზუსტი მონაცემის შესწორება;
• მოითხოვოთ წაშლა ან დამუშავების შეწყვეტა (გარდა იმისა, რისი შენახვაც კანონით გვევალება);
• გამოიხმოთ თანხმობა და გააპროტესტოთ დამუშავება;
• მიმართოთ საქართველოს პერსონალურ მონაცემთა დაცვის სამსახურს (personaldata.ge).

მოთხოვნისთვის მოგვწერეთ nika@litero.ge — გიპასუხებთ კანონით დადგენილ ვადაში, არაუგვიანეს 10 სამუშაო დღისა. ანგარიშის წაშლა შეგიძლიათ პროფილის პარამეტრებიდანაც.

9. ქუქი-ფაილები

რომელ ქუქი-ფაილებს ვიყენებთ და რატომ, დეტალურად წერია ქუქი-ფაილების პოლიტიკაში.

10. ცვლილებები

პოლიტიკის განახლებისას ამ გვერდზე შეიცვლება თარიღი. არსებით ცვლილებაზე (მაგ. ახალი მიზანი ან მომწოდებელი) ელფოსტით გაცნობებთ.