გადახდისა და თანხის დაბრუნების პოლიტიკა

1. გადახდის მეთოდები

ფასიანი გეგმის საფასური გადაიხდება ლარში (GEL), საბანკო ბარათით (Visa, Mastercard), Apple Pay-ით ან Google Pay-ით. გადახდა ხორციელდება სს „საქართველოს ბანკის“ დაცულ საგადახდო გვერდზე. ბარათის მონაცემები (ნომერი, მოქმედების ვადა, CVV) შეგყავთ უშუალოდ ბანკის გვერდზე — Litero მათ ვერ ხედავს, არ ამუშავებს და არ ინახავს.

გადასახდელი თანხა ყოველთვის ჩანს გადახდის ფანჯარაში, გადახდის დადასტურებამდე. ფასი მოიცავს ყველა გადასახადს; დამატებით საკომისიოს Litero არ იღებს.

2. მომსახურების მიწოდება

Litero ციფრული მომსახურებაა — ფიზიკური მიწოდება არ ხდება. ფასიანი წვდომა ირთვება თქვენს ანგარიშზე, litero.ge-ზე, ავტომატურად — ბანკის მიერ გადახდის დადასტურებისთანავე.

გააქტიურების შესახებ გაცნობებთ ელფოსტით. წვდომის ვადა მითითებულია თქვენი პროფილის გამოწერის განყოფილებაში.

3. თანხის დაბრუნება 3 დღის განმავლობაში

თუ Litero-მ არ გაამართლა თქვენი მოლოდინი, გადახდიდან 3 კალენდარული დღის (72 საათის) განმავლობაში შეგიძლიათ მოითხოვოთ გადახდილი თანხის სრულად დაბრუნება, მიზეზის მითითების გარეშე. ვადა აითვლება გადახდის მომენტიდან.

• თანხა ბრუნდება სრულად, იმის მიუხედავად, რამდენად ისარგებლეთ სერვისით ამ დროის განმავლობაში.
• თანხის დაბრუნებისთანავე შესაბამისი ფასიანი წვდომა წყდება.
• ეს პირობა ვრცელდება ერთ ანგარიშზე ერთხელ.
• ეს პირობა არ ვრცელდება, თუ ანგარიში დაიბლოკა წესების დარღვევის გამო ან გადახდა თაღლითურია (იხ. გამოყენების წესები).

4. სხვა შემთხვევები, როცა თანხა ბრუნდება

3-დღიანი ვადის მიუხედავად, თანხას ნებისმიერ დროს დაგიბრუნებთ, თუ:

• თანხა ჩამოგეჭრათ, მაგრამ გეგმა არ გააქტიურდა და ჩვენ ვერ გავააქტიურეთ მიმართვიდან 1 სამუშაო დღეში;
• ერთი და იგივე გეგმისთვის ორჯერ გადაიხადეთ, ან გადაიხადეთ მითითებულზე მეტი — ბრუნდება ზედმეტი ნაწილი;
• ჩვენი მიზეზით ფასიანი სერვისი 72 საათზე მეტხანს უწყვეტად მიუწვდომელი იყო — ამ შემთხვევაში, თქვენი არჩევანით, გაგიგრძელებთ წვდომას იმავე ვადით ან დაგიბრუნებთ ამ პერიოდის პროპორციულ თანხას;
• ანგარიში შევწყვიტეთ ჩვენი ინიციატივით, თქვენი მხრიდან წესების დარღვევის გარეშე — ბრუნდება გამოუყენებელი პერიოდის პროპორციული თანხა.

5. როდის არ ბრუნდება თანხა

• 3-დღიანი ვადის გასვლის შემდეგ, თუ არ არსებობს წინა პუნქტში ჩამოთვლილი საფუძველი;
• გამოცდაში მიღებული შედეგი არ დაემთხვა მოლოდინს;
• ანგარიში დაიბლოკა წესების დარღვევის გამო (მაგ. ანგარიშის გაზიარება, სხვისი ბარათის უნებართვო გამოყენება);
• წვდომა მიიღეთ უფასოდ — პრომო კოდით ან აქციით (ასეთ შემთხვევაში თანხა გადახდილი არ არის).

6. კანონით მინიჭებული უფლებები

ფასიანი გეგმა ციფრული მომსახურებაა, რომლის მიწოდებაც იწყება გადახდის დადასტურებისთანავე. გადახდისას თქვენ ითხოვთ მიწოდების დაუყოვნებლივ დაწყებას და ადასტურებთ, რომ ამის შემდეგ დისტანციური ხელშეკრულებიდან გასვლის 14-დღიანი უფლება, საქართველოს კანონმდებლობით დადგენილ ფარგლებში, აღარ გაქვთ. სწორედ ამიტომ გთავაზობთ ზემოთ აღწერილ 3-დღიან დაბრუნების პირობას.

ეს პოლიტიკა არ ზღუდავს არცერთ უფლებას, რომელიც მომხმარებელს საქართველოს კანონმდებლობით ეკუთვნის.

7. ავტომატური განახლება და გაუქმება

ავტომატური ჩამოჭრა და განახლება არ ხდება: თვიური Pro 30 დღის შემდეგ თავისით წყდება, ულტრა — გამოცდის დღის შემდეგ. გამოწერის გაუქმება საჭირო არ არის — თუ არ გსურთ გაგრძელება, უბრალოდ აღარ გადაიხდით. თქვენი ბარათიდან თანხა ჩამოიჭრება მხოლოდ მაშინ, როცა თავად დაადასტურებთ გადახდას.

8. როგორ მოითხოვოთ დაბრუნება

• მოგვწერეთ nika@litero.ge იმ ელფოსტიდან, რომლითაც დარეგისტრირებული ხართ, ან დაგვირეკეთ +995 599 09 67 21.
• მიუთითეთ გადახდის თარიღი და თანხა.
• მოთხოვნას განვიხილავთ და დაბრუნებას დავიწყებთ არაუგვიანეს 3 სამუშაო დღისა.
• თანხა ბრუნდება იმავე ბარათზე, რომლითაც გადაიხადეთ. ბარათზე ასახვის ვადა დამოკიდებულია ბარათის გამცემ ბანკზე და, როგორც წესი, რამდენიმე სამუშაო დღეს შეადგენს.
• თუ ადრე გადაიხადეთ საბანკო გადარიცხვით, თანხა ბრუნდება იმავე ანგარიშზე, საიდანაც გადარიცხეთ, არაუგვიანეს 14 კალენდარული დღისა მოთხოვნის დადასტურებიდან.
• თანხის დაბრუნებისას დამატებით საკომისიოს არ გიკავებთ.